San Pietru u San Pawl

Kemm hi xi ħaġa sabiħa, li l-Knisja Kattolika għażlet li tiċċelebra il-festa ta' dawn iż-żewġ qaddisin kbar fl-istess ġurnata. Dan mhux għax mietu flimkien, imma għax it-tnejn li huma huma żewġ kolloni kbar tal-Knisja.

X'għandhom iktar komuni dawn iż-żewġ qaddisin li minnhom aħna nistgħu nitgħallmu?

• Naraw li t-tnejn li huma f'waqtiet min ħajjithom ma aċċetawx lil Ġesu'.

Pietru itradixxa lil Ġesu' tlett darbiet u Pawlu għamel parti min ħajtu jippersegwita lil insara u hekk jaħdem biex il-Knisja ma tkomplix tinxtered. Madanakollu ma waqfux hemm għax meta Ġesu' tagħhom ic-challenge li jinbidlu u li jkollhom sehem attiv fil-Knijsa ma saqsewx "għaliex" jew "għalfejn" imma aċċettaw dik l-istedina u qalulu iva. Pietru jistqarr tlett darbiet li jħobb lil Ġesu', u għalkemm ħass għafsa ta' qalb għax saqsih tlett darbiet, tant kien ċert li jħobb lil Ġesu' li qallu li anke Hu jaf li jħobbu: "Iva Mulej, int taf li nħobbok." (Ġw 21:16). Pawlu meta waqa min fuq iż-żmien staqsih: "Min int Mulej?" u din il-mistoqsija turina li hu ried li jsir jaf lil Ġesu'. Hekk aħna wkoll, anke jekk niżbaljaw għandna dejjem naċċettaw il-ħniena t'Alla li jaħfrilna dnubietna, u wkoll il-grazzja li huwa jagħtina meta jsejħilna għal dik it-triq li huwa jridna ngħixu għall-glorja tiegħU.

• Dawn iż-żewġ qaddisin ħadmu bil-ħila kollha tagħhom biex iwasslu l-Kelma ta' Ġesu', mhux biss fejn kienu jgħixu imma madwar id-dinja kollha.

U ngħidu bejna u bejn ruħna: "Issa jiena posti nippriedka lil dak jew lil ieħor? Mela jien naf kif?" Importanti li nifmhu li wieħed jista jwassal il-messaġġ mhux biss permezz tal-kliem, imma wkoll permezz ta' l-eżempju tiegħu.

Inti tkun ta' ċanfira għal sħabek tax-xogħol jekk inti ma titlaqx qabel suppost mill-ħin u dejjem tagħmel xogħolok sew, anke jekk jagħduk biż-żmien.

Inti tkun ta' ċanfira għal sħabek ta' l-iskola jekk minflok tiskarta lezzjonijiet, tfittex li toqgħod attenta għalihom u tagħmel ħiltek biex tmur tajjeb, mhux biss biex iġib riżultati tajbin, imma wkoll għax dak huwa li Alla dak irid minnek.

Jekk int tgħix tajjeb tkun qed twassal il-messaġġ ta' Ġesu' bl-aktar mod effettiv.

• Kemm San Pietru u wkoll San Pawl ma beżgħux juru l-fidi tagħhom, anke meta din kienet tmur kontra dik ta' l-awtoritajiet.

Illum il-ġurnata aħna wkoll qed nisimgħu b'diversi settet u reliġjonijiet li qed jipproponu mod ta' ħajja ġdida. Ma rridux nibżgħu nuru li aħna nemmnu f'Ġesu' u li aħna membri tal-Knisja Kattolika. Għandna wkoll bi prudenza kbira nidefendu ruħna min dawk li forsi joħduha kontra r-reliġjon tagħna.

Hemm ħafna iżjed punti x'wieħed iżid dwar San Pietru u San Pawl u hemm diversi punti oħra li aħna nistgħu nimitaw fihom. Imma dawk inħalluhom għal darba oħra għax b'dawn biss ukoll għandna biżżejjed!

Paniġierku 1997

Il-Paniġierku fil-festa ta' San Nikola tas-Sena 1997 kien sar minn Patri Pawl Cremona O.P. li llum huwa l-Arċisqof ta' Malta.

Isma dan il-paniġierku minn hawn:

Grazzi għal http://www.is-siggiewi.com/

Illum ġewwa s-Siġġiewi qegħdin niċċelebraw il-festa tal-patrun tagħna San Nikola.

Isma l-paniġierku li niseġ Monsinjur Paul Vella fil-quddiesa tal-festa li kienet ikkonċelebrata mill-Arċisqof Emeritus Ġużeppi Merċieca.

Ħajja ta' San Nikola

Din hija ftit informazzjoni fuq il-ħajja tal-qaddis patrun tas-Siġġiewi: San Nikola ta' Bari

Dear God . . . about my daddy

Dear God,

Thanks for giving me a daddy. You knew just what I’d need! In case you need to make daddies for other kids, I thought you might like to know what I like best about the one you sent me:

A good dad ...
1. knows everything (like how to tie shoes and drive a car)
2. is really smart (he even knows where the wind goes after it blows through the trees)
3. has a forgiving heart (for when I mess up)
4. is loaded with patience, patience, patience (he probably won’t need it, but just in case...)
5. has a comfy lap and a big laugh (you understand about that, don’t you?)
6. tells me all about you and your son.

Your friend,
A Kid

P.S. I almost left out the best part! A good dad has real strong arms (to catch me when I fall. He
says you’re just like that, too.)

Aqra iktar fuq dan is-suġġett: What makes a good Dad

Two related powerpoint are: A poem for Dad ; For Dad (click on title to download)

Isma iktar fuq dan is-suġġett:

Is-Salib

Iż-żmien issa beda għaddej u żgur li issa kulħadd irkupra mit-tixriba li ħa nhar it-3 ta' Ġunju. Imma żgur ukoll li ħadd ma nesa l-esperjenza tant sabiħa li għadda minnha dak in-nhar.

Xi ħaġa li laqtitni fost l-affarijiet kollha li ilhom jintqalu fuq dan il-qaddis kien il-fatt li kunjomu "Preca" jfisser talb. U Dun Ġorġ din il-ħaġa kien jagħmilha tassew - għax kien jara li f'kull ħin u kull mument jkun fil-preżenza t'Alla.

Kien iħobb li qabel kull ħaġa li jagħmel huwa jrodd is-salib, drawwa li f'Malta kienet tiġi pratikata ta' sikwit - imma li issa naqset ħafna. Hija ħasra - għax ir-radd tas-salib, mhux biss huwa sinjal li inti temmen f'Alla wieħed, fi tlett persuni, u li inti permezz tar-radd tas-salib, qed tidħol fil-preżenza t'Alla, imma hija wkoll mod kif inti titlob l-għajnuna ta' Alla.

Mela ipproponi miegħek innifsek li kull meta:

• tkun sejjer x'imkien bil-mixi
• titla fuq karozza
• tkun ser issuq
• tkun ser tiekol jew tixrob
• tkun ser tibda xi biċċa xogħol ġdida
• kull fejn tħoss li għandek

rodd is-salib, b'konvinzjoni li Alla qiegħed hemm miegħek, lest biex jgħinek.

Isma lil Dun Ġorġ u isma' b'liema devozzjoni jrodd is-salib.
San Gorg Preca - radd tas-salib.mp3

Youth . . . . Adoration

Benedict XVI noted that youth are showing great interest in adoration. "I invite priests to encourage youth groups in this, but also to accompany them to ensure that the forms of adoration are appropriate and dignified, with sufficient times for silence and listening to the word of God," the Pope said.

He continued: "In life today, which is often noisy and scattered, it is more important than ever to recover the capacity for interior silence and recollection: Eucharistic adoration permits one to do this not only within one's 'I' but rather in the company of that 'You' full of love who is Jesus Christ, 'the God who is near us.'"

May the Virgin Mary, Eucharistic Woman, lead us into the secret of true adoration. Her heart, humble and silent, was always recollected around the mystery of Jesus, in whom she worshipped the presence of God and his redemptive love."

Kemm hija xi ħaġa sabiħa li l-Kap tal-Knisja jinnotta li ż-żgħażagħ qed jinduna bl-importanza ta' l-Ewkaristija u jħeġġeġina lkoll għax quddiem l-Ewkaristija aħna nkunu nistgħu nkunu aħna sħaħ - "to the full" - quddiem Ġesu' nkunu fl-aħjar tagħna u bl-aqwa pontenzjal li għandna.

Isma lil Dun Ġorġ jagħti l-Barka tiegħu:

Barka San Gorg Preca.mp3

Corpus - Il-Festa tal-Ġisem u d-Demm tal-Mulej

Ġesu' meta miet ma ħalliniex waħedna, anzi, sa min qabel waqt l-aħħar ċena huwa kien ħalla lilu nnifsu fix-xbieha tal-ħobż u ta' l-inbid. Din hija xi ħaġa li għandha tkun mezz ta' għaqda bejn l-insara kollha.

Fit-Testment il-Qadim, il-qassis Melkiesedek offra lil Alla ħobż u nbid.

Fit-Testment il-Ġdid, Ġesu' jġedded dik l-offerta billi l-ħobż u l-inbid li huwa joffri lil Alla l-Missier jibdilhom f'ġismu u f'demmu bil-kelmiet: "Dan hu ġismi" ; "Dan hu demmi".

Imma Ġesu' ma waqafx hemm. Ġesu' kompla: "Għamlu dan b'tifkira tiegħi". U hekk bdew jagħmlu l-ewwel insara - bdew jiltaqaw biex flimkien jiftakru f'Ġesu' u permezz tal-Konsagrazzjoni jerġgħu ikunu fil-preżenza ta' Ġesu' taħt ix-xbieha ta' l-Ewkaristija.

Hekk għandna nagħmlu aħna wkoll illum! Ejjew mela ma ninsewx b'din il-grazzja tant kbira li għandna. Aħna ta' kuljum nistgħu nirċievu lil Ġesu' ġewwa fina. Barra min hekk nistgħu nitkellmu miegħu f'xi kappella tas-Sagrament li għandna mxerdin madwar Malta.

Mela aħtaf l-opportunita TA' KULJUM: u ħu sehem fil-quddiesa u żur lil Ġesu Sagramentat!

Ikklikja fuq din l-istampa biex tara fejn jinsabu l-Kappeli tas-Sagrament madwar Malta u l-ħinijiet li fihom ikunu miftuħa.

Museum . . . . Għaliex?

F'dawn l-aħħar ftit ġimgħat il-poplu Malti qed jisma' ħafna fuq Dun Ġorġ u fuq il-Museum.

Imma forsi tiġi ġo moħħna l-mistoqsija: Għala l-Museum?

Dak iż-żmien kien hawn ħafna nies li ma kienux jafu tagħlim veru tar-reliġjon. Ħafna min-nies kienu jippratikaw ir-reliġjon għax hekk kienu mdorrijin u mhux għax verament kienu jemmnu, jew kienu jafu x'inhuma jagħmlu. Dun Ġorġ kien jgħix f'dak iż-żmien u kien jaf x'kienet is-sitwazzjoni ta' żmienu.

Huwa ħassu mqanqal li kien imsejjaħ biex jgħallem u dan huwa ried jagħmlu permezz ta' lajċi li jkunu msejjħa biex jitgħallmu u jgħallmu lil oħrajn. Din hija l-missjoni tas-Soċjeta pero qabel kollox dawk li huma parti min l-għaqda għandhom l-iskop li jitqaddsu, imbagħad iqaddsu lil oħrajn.

Imma llum għad hawn post u skop għal din l-għaqda li twieldet madwar 100 sena?

Jekk inħarsu ftit madwarna, naraw li ħafna min-nies illum huma mgħallma f'ħafna affarijiet, u l-edukazzjoni mxiet ħafna l-quddiem min dak iż-żmien pero' injoranza dwar reliġjon sfortunatament għadha teżisti. Għandna bżonn nies li għax imsejjħa jwasslu l-Kelma tal-Mulej.

Dawn huma nies mħeġġin bħal ma darba qal l-Ewwel Superjur Ġenerali Ewġenju Borġ: "Kellna ħeġġa, bil-lejl bilkemm konna nistgħu norqdu. Id-Dinja għamilniha tagħna!"

U verament id-dinja kienet tagħhom, għax kull fejn kienu jistgħu kienu jwasslu l-Kelma t'Alla kemm bil-kliem u anke bl-eżempju. Dan hu x-xogħol ta' kull nisrani, u b'mod speċjali ta min huwa parti mill-Museum.

Ejjew immella nwasslu l-Kelma t'Alla bil-kliem u l-eżempju hekk kif xtaq San Ġorġ Preca.

VIVA SAN ĠORĠ PRECA!

L-EWWEL MUDELL MALTI!

Għal fuq il-Fossos . . .

Xieraq li bħalma l-Ħadd li għadda l-Knisja iċċelebrat flimkien ma ħafna mill-Maltin u pellegrini oħra min madwar id-dinja l-Kanonizzazzjoni ta' erba' beati fosthom Dun Ġorġ.

Issa nhar il-Ħamis, flimkien mar-Ragħaj tagħna ser niċċelebraw din l-okkażjoni hawn flimkien bħala djoċesi maltija, mdawrin mar-Ragħaj Spiritwali tagħna fil-preżenza tar-relikwa ta' San Ġorġ Preca.

Mela niltaqaw ilkoll nhar

il-Ħamis 7 ta' Ġunju fuq il-fossos tal-Furjana!!!

Kanonizzazzjoni!

Il-Kanonizzazzjoni li ħafna Maltin esperjenzaw il-Ħadd li għadda kienet xi ħaġa unika. Min kien hemm, min segwa kollox min fuq l-istazzjonijiet tat-TV u anke min ingħaqad ma xi oħrajn, f'xi paroċċa u segwa dan l-aveniment min fuq big screen li ġie organizzat mill-paroċċa. Kienu fejn kienu n-nies żgur li kien hemm atmosfera ta' ferħ, atmosfera li meta taħseb fuq aktar tard tagħtik ħafna kuraġġ biex tkompli tgħix il-ħajja tiegħek fil-ferħ t'Alla.

Ix-xita li għamlet kienet waħda tremenda. Bħal ma qal il-postulatur fil-quddiesa tar-Ringrazzjament, Dun Ġorġ bħala t-tieni missier tagħna, għammidna għat-tieni darba.

Waqt l-omelja tal-Kanonizzazzjoni l-Papa Benedittu XVI tkellem fil-qosor fuq kull qaddis/a. Meta kien qed jgħid fuq Dun Ġorġ huwa semma punti li żgur li nistgħu ndaħħlu fil-ħajja tagħna.

Dawn kienu:

"Fu un sacerdote tutto dedito all’evangelizzazione: con la predicazione, con gli scritti, con la guida spirituale e l’amministrazione dei Sacramenti e prima di tutto con l’esempio della sua vita."

Kien saċerdot li wasal l-evanġelju b'kull mod imma b'mod speċjali bl-eżempju tal-ħajja tiegħu. U dan aħna nistgħu nimitaw! Ejjew ngħixu ħajjitna b'ta li mod li tkun tirrifleti lil Ġesu' li qed jgħix ġewwa fina.

"Amava ripetere: “Signore Dio, quanto ti sono obbligato! Grazie, Signore Dio, e perdonami, Signore Dio!”.

L-espressjoni "Grazzi Sinjur Alla, u aħfirli Sinjur Alla" kulħadd jafha u hija espressjoni li jekk nirrepetuha ta' spiss, bħal ma kien jagħmel dan il-qaddis Malti żgur li tnissel ġewwa fin gratitudni għall-affarijiet kollha li Alla jagħtina, u maħfra sinċiera ta' dak kollu li aħna nagħmlu meta noffendu lil Alla jew lil xulxin.


Ejjew immela ma niftakrux din il-Kanonizzazzjoni biss biex niftakru l-esperjenza li għadejna minna, jew ix-xita kollha li għamlet y t-tixriba li forsi ħadna, imma ejjew niftakruha biex nħarsu lejn dan il-mudell li issa jista jinagħta l-qima ta' l-artali.

Dun Ġorġ kien Malti, qatt ma siefer, mexa fit-toroq li aħna nimxu, u għex it-tradizzjonijiet li ħafna minnhom għadna nipratikaw illum il-ġurnata. Huwa għex il-ħajja tiegħu għall-Alla u għamel dak li Hu xtaq minnu. Aħna nistgħu ngħixu hekk ukoll! Kurraġġ!