Ftit taż-żmien ilu, ħabib tiegħi rrabja ma' bintu ta' tlett snin talli ħliet wrapping paper gold. Irrabja għax it-tifla kienet ħliet wrapping paper sħiħa biex ksiet kaxxa żgħira biex tqegħda taħt il-Christmas Tree. Dik is-sena kien spiċċa bla xogħol, u kienu xi ftit neqsin mill-flus u allura kull tikka kien qed jaraha ħafna.
Madanakollu, dakinhar tal-Milied filgħodu, it-tifla ġabet rigal żgħir lill-missierha u qaltlu: "Pa, dan għalik."
Issa kien qed jidispjaċih talli kien irrabja ma' bintu, u fetaħ il-kaxxa u sabha vojta. Qalilha: "Ma tafx li meta tagħti rigal lil xi ħadd suppost li fil-kaxxa tpoġġi xi ħaġa?"
It-tifla ħareset lejh u bid-dmugħ f'għajnejha qaltlu: "Imma Papa, mhux vojta. Jien tgħidx kemm tfajt kisses fiha. Kollha għalik!"
Il-missier bid-dmugħ f'għajnejh għannaq lil bintu. Għal żmien twil żamm dik il-kaxxa taħt is-sodda u meta l-ħajja kienet ittih ftit bis-sieq kien joħroġ bewsa mmaġinarja u jiftakar fl-imħabba kbira li bintu kienet tefgħet fihom!
Kien hemm wieħed raġel li kien jgħix ħajja normali. Ma kienx jaħseb li kien xi bniedem kattiv, imma l-anqas xi qaddis. Jum minnhom Ġesu' messlu qalbu u hu aċċettah bħala s-Sinjur u s-Salvatur tiegħu. F'qalbu ħass ferħ kbir tant li wiegħed lil Alla li jitkellem fuqU ma kull persuna li jiltaqgħa magħha u li jresaq lejH ta' l-inqas 100 persuna lejn dan Alla li huwa kien sab u li kien tah tant ferħ. Imma dar-raġel mil-bidu beda jinduna kemm din kienet se tkun ħaġa difficli li jagħmel. Il-maġġoranza tal-ħbieb tiegħu bdew jaħsbuh li ġennen u telquh.
Xi drabi huwa kien se jmur lura mil-wegħda tiegħu imma kompla jitkellem fuq Alla ma dawk li kienu jagħtuh iċ-ċans, u jgħidilhom fuq il-bidla kbira li ġrat fih.
Wara ftit taż-żmien dan ir-raġel miet, u sab ruħu f'kamra li kien fiha l-affarijiet kollha li huwa kien għamel u qal matul ħajtu kollha: l-affarijiet ħżiena kollha, il-ħsibijiet ħżiena li għaddewlu min moħħu, reġgħu ġew lura f'daqqa. Imbagħad huwa ra viżjoni ta' dak il-jum meta fetaħ qalbu għal Ġesu' u meta wiegħed li jresaq lejn Ġesu' tal-inqas min 100 persuna. Meta ra dan kollu r-raġel intefa għarkubtejh u beda jibki.
F'dak il-ħin Ġesu' resaq lejh u qallu: "Ibni, qum min hemm: għalfejn qiegħed tibki?"
Ir-raġel wieġeb: "Sinjur, jiena għamilt dawn l-affarijiet kollha ħżiena u gdibt".
"Meta gdibt?", wieġbu Ġesu'.
"Meta wegħdtek li se nressaq lejn 100 persuna. Għax anke jekk ippruvajt nagħmel dan, qas persuna waħda ma waslet li aċċetatek f'ħajjitha! Jiena ma żammejtx il-wegħda tiegħi, u għalhekk gdibt lileK!"
Ġesu' tbissimlu, mesaħħlu d-dmugħ minn ma għajnejh u qallu: "Ibni, inti ma ksirtx il-wegħda tiegħek miegħi."
"Imma Sinjur, jiena qas biss irnexxili nikkonverti persuna waħda!"
Ġesu' wieġbu: "Tiftakar meta kont qiegħed f'ristorant u wara li kilt irringrazzjajt lil Alla ta' l-ikel li hu provdilek? Kien hemm mara li kienet qatgħet qalbha li xi darba għad issib is-salvazzjani. Anke jekk jiena, ħafna drabi, ppruvajt nuriha kemm inħobbha, hija qatt ma accetatni. Kienet qegħda taħseb li la tmur lura toqtol lilha nnifisha. Imma meta ratek titlob hija fetħet qalbha għalija u ħallitni nidħol f'ħajjitha. Hija aċċetatni bħala s-Salvatur tagħha. Wieħed mit-tfal tagħha sar qassis qaddis u għen lil ħafna bnedmin jgħixu tajjeb u jersqu lejja. Dak il-ġest żgħir tiegħek bil-fidi għen mhux lil 100 persuna imma lil 100, 000 persuna jersqu lejja!"
Ġesu' bi tbissima fuq fommu wieġbu: "Jiena ħallast il-prezz tagħhom għalik: ħares lejn idejja u saqajja ppjagati, il-kustat tiegħi minfud, rasi mimlija bid-demm, u ġismi flaġġelat. It-tnejn li aħna żammejna l-wegħda tagħna!"
Niftakru li ġest żgħir jista jmiss il-qalb ta' l-oħrajn, anke jekk aħna ma nindunawx. Tbissima, kelma tajba, talba fil-pubbliku, huma affarijiet żgħar li jafu jagħtu dawl lill-oħrajn u jistgħu ukoll jibdlu l-ħajja ta' ħaddieħor.
Wednesday, November 19, 2008
Kemm jgħaddi malajr iż-żmien!! U dan jgħaddi mingħar xi kultant qas inti stess ma tkun taf!!
Ftit tal-jiem oħra u t-toroq tal-gżejjer Maltin jieħdu bixra oħra - bixra ta' ferħ, il-ferħ tal-Milied!! Ħafna minnha diġa bdew jaħsbu minn issa min fejn se jixtru r-rigali, l-kartolini, meta u kif se jżejnu djarhom, x'jistgħu jagħmlu differenti dan il-Milied u min jaf kemm il-ħsieb ieħor.
Imma f'dan iż-żmien mhux aħjar taħseb:
Liema huma dawk in-nies li se tferraħ dan il-Milied?
Min huma dawk in-nies li lest li tibdel l-attitudni tiegħek lejhom?
Liema huma dawk in-nies li lest li taħfer?
Lest li tagħmel li tista biex tisma' quddiesa kemm jista jkun kuljum, mil-llum sal-Milied?
Kemm-il darba Ġesu' Sagramentat ħa jibqa jistennik biex iżuru?
U meta beħsiebek tibda tqatta ftit ħin mal-familja, fejn barra li tirrilassaw flimkien, issibu wkoll ftit ħin ta' talb flimkien?
Kemm taħseb f'dawk li huma morda, inqas ixxurtjajti minnek jew għandhom xi bżonnijiet speċjali?
Ehhh . . . . u jekk taħseb ftit min jaf kemm iżid inti ma' din il-lista!!
Mela poġġi l-ħsibijiet tiegħek fis-sod għax kif jgħidu: "Il-passat mhuwiex garanzija tal-futur" - għax il-futur f'idejn Alla!!
Forsi ftit huma dawk in-nies li semgħu b'dan il-post: "Taize'". Min sema' bih jaf li dan huwa post uniku fid-dinja u dan minħabba l-opportunitajiet li joffri. Min imur hemmhekk ma jmurx biss għall-vaganza - imma għal affarijiet oħra. Hemmhekk wieħed issib paċi u wkoll mumenti ta' talb sbieħ ħafna. Il-Ħajja f'Taize' ma ddurx max-xogħol jew mal-attivitajiet illi jiġi organizati min żmien għall-ieħor. Il-Ħajja f'Taize' ddur ma' l-unika ħaġa essenzjali: It-Talb. Kemm tkun ħaġa sabiħa kieku l-ħajja tagħna ta' kulljum ukoll tkun iddur mar-relazzjoni intima ma' Ġesu'. Itlob b'dawn il-kant u xeni minn Taize:
MESSAĠĠ TA’ L-ARĊISQOF FIL-BIDU TA’ L-ISTAĠUN TAL-FESTI
Din is-sena hija s-Sena Pawlina. Xieraq Ii anki l-Festi ngħixuhom f’dan il-wirt Ii tana San Pawl Missierna.
Jekk hemm kelma Ii tixraq lill-Festi tagħna, din il-Kelma hija: “Ifraħ, Ferħ”. U dan iI-Ferħ, fil-Festi tagħna dejjem isir fid-dawl tal-Fidi tagħna. Il-Festi tagħna huma msemmijin jew għal xi misteru tad-Divinita jew tal-ħajja ta’ Sidna Ġesu Kristu, jew għal xi qaddisin, l-ikbar fosthom Marija, 0mm AIla.
Naf Ii kull minjaħdem għall-Festa jagħmel dan b’sagrifiċċju, u b’sens kbir ta’ mpenn. Imma mhux bilfors dan I-impenn ikollu togħma kristjana. F’xi wħud tħoss Ii hemm fidi u talb u devozzjoni vera lejn il-Festa. lżda sfortunatament, hemm xi wħud Ii ma tagħrafx il-ħidma tagħhom fil-Festi minn dak Ii jagħmlu xi oħrajn biex itellgħu festa għal xi avveniment ieħor, jew għal xi Festival mużikali.
Appell
Jiena qiegħed nappella għal nies ta’ rieda tajba biex jibdew attivament isaffu l-Festi tagħna, jagħmluhom hekk Ii min ikun qiegħed jagħrafhom jagħraf Ii huma Festi Reliġjużi. Din għandha tkun l-unika raġuni Ii nagħmlu l-Festi u din għandha tkun iI-missjoni ta’ min jixtieq Festi Nsara Vera. Qiegħed nappella għal dawn in-nies ta’ rieda tajba: “Aħdmu fuq sħabkom Ii għandhom bżonn għajnuna biex jifhmu dawn l-affarijiet. Ibdew proċess Ii fih tifirħu Ii tagħmlu l-Festa tagħkom verament Nisranija, verament ta’ ġieħ għas-sejħa nisranija tagħna, tixraq lill-Qaddis Ii nkunu qegħdin niċċelebraw”.
Nixtieq inħalli lil San Pawl jgħallimna kif il-Ferh tagħna jista’ jkun nisrani. Ħa nisimgħu I-ewwel x’jikteb San Pawl lill-Filippin:
“Ifirħu dejjem fil-Mulej: nerġa’ ngħidilkom, ifirħu."
“ll-ħlewwa tagħkom, ħa jkunu jafuha I-bnedmin koliha. ll-Mulej qorob.
“MiII-bqija, ħuti, f’dan għandkom taħsbu: f’kuII ma hu veru, f’kull ma hu xieraq, f’kull ma hu ġust, f’kull ma hu safi, f’kuIl ma jiġbed l-imħabba, f’kuIl ma jistħoqqlu l-ġieħ, f’kull ma hu virtu, f’kull ma ħaqqu t-tifħir; f’dan kollu aħsbu.” (4,4).
Ifirħu fil-Mulej: Ma nistgħux nifirħu verament fil-Mulej, jekk f’qalbna għandna firdiet, jew jekk nippretendu Ii l-ferħ tagħna nuruh billi ngħajru lil dawk Ii mhux tal-Festa tagħna.
Il-ħlewwa tagħkom ħa jkunu jafu biha l-bnedmin kollha: Aħna nistgħu nħossu f’qalbna li għandna lill-Qaddis, iżda I-oħrajn, forsi Ii ma jemmnux, kif se nuruhom il-ħlewwa ta’ Ġesu, meta jarawna niġġieldu jew irrabjati għal xulxin?
Aħsbu f’kull ma hu veru: Jekk qegħdin niċċelebraw lil xi Qaddis u mhux biss l-istatwa tal-Qaddis, irridu dejjem iktar nitolbu flimkien u nitgħallmu flimkien biex insiru nafu x’ħabb il-Qaddis, kif għex, biex niċċelebraw ukoll il-ħajja tiegħu nisranija, inkella nkunu qed nifirdu I-istatwa mill-Qaddis Ii tippreżenta.
Aħsbu f’kull ma hu xieraq, kull ma jistħoqqlu l-ġieħ, f’kull ma ħaqqu t-tifħir: In-nisrani suppost ikollu wkoll mġiba differenti kif iġib ruħu. Nistgħu nsemmu wkoll xi affarijiet li n-nisrani ma jistax jaċċetta bħala parti mill-ħajja tiegħu: il-kliem ħażin, u d-dagħa, jekk mhux ukoll kontra xi qaddis ieħor; l-eċċess ta’ l-alkoħol forsi anke f’dawk li huma żgħar; l-eċċess fiċ-ċelebrazzjoni purament umana, b’mod speċjali f’xi marċijiet fejn anki d-diċenza tkun nieqsa. Dawn ma jaqblux b’ferħ li jsir f’isem xi Qaddis.
Ħolma u tama
Jiena għidt dan kollu għaliex nixtieq li nnaqqsu dak kollu li jista’ jfixkel il-valuri veri tal-Festi. Jiena noħlom u nittama li xi darba fil-Festi tagħna nersqu lejn dak li jgħid San Pawl: li fil-Ferħ tagħna jkun għad fadal biss dak li “jiġbed l-imħabba”.
Nibgħat il-Barka tiegħi fuq il-Festi li se jiġu ċelebrati din is-sena: fuq ilkomunitajiet l-Knisja li fi ħdanhom jiġu ċelebrati, fuq dawk li jaħdmu għalihom, u fuq dawk li jattendu għalhom.
Nawguraw il-Missirijiet kollha f'dan il-jum l-isbaħ AWGURI
Nitolbu flimkien ma San Ġorġ Preca għall-Ġenituri kollha: Sinjur Alla, o Missier li berrikt 'il Adam u 'l Eva u kkmandajthom li jikbru u li joktru, bierek lill-ġenituri kollha u agħtihom l-għajnuna tal-grazzja tiegħek, biex irabbu sewwa 'l uliedhom b'kura diliġenti għas-saħħa ta' ruħhom u ta' ġisimhom.
U sabiex żgur naqilgħu minnek din il-ħniena, noffrulek il-pjagi ta' Ibnek Kristu Ġesu', li mmerita għall-bnedmin kollha l-grazzja tiegħek. Amen.
Ftit li xejn minna naħsbu kif ħafna drabi il-ġranet tagħna jidħlu f'rutina li tinbidel skond dak li nkunu għaddejjin minnu.
Nqumu fil-għodu, nieħdu l-kolazzjon, u wara t-tfal immorru l-iskola, l-ġenituri x-xogħol, u min jibqa d-dar ma jkunx b'idejh fuq żaqqu tafux! Fil-bidu jew fit-tmiem il-ġurnata forsi nsibu ċans biex nisimgħu quddiesa. Din hija drawwa ferm sabiħa, imma ejjew ma noħduhiex b'rutina.
Jekk jien immur quddiesa kuljum, ma nagħmilx hekk għax issa hekk drajt, jew għax ilni nagħmel hekk min mindu kont għadni żgħira. Nagħmel hekk għax fil-ġurnata tiegħi nħoss il-bżonn li f'xi ħin niltaqa ma' Ġesu'.
Mela ejja ma nieħux dan il-ħin bħala xi ħaġa tas-soltu imma bħala xi ħaġa ġdida - li jiena ta' kuljum immur biex nisma dak li Huwa jrid jgħidli. Imma mhux biss, imbagħad wara li nkun smajt il-Kelma t'Alla, jiena nsir ħaġa waħda miegħU permezz ta' l-Ewkaristija. Xi grazzja! Kemm nies jixtiequ li għandhom dan is-servizz ta' quddies viċin u f'ħinijiet diversi bħal m'għandna aħna. Hu l-okkażjoni mela!!
Dan il-weekend kien weekend ferm differenti minn oħrajn. Dan propju għax fakkarna storja li ġrat elfejn sena ilu.
Il-Ġimgħa mmeditajna fuq il-passjoni ta' Ġesu', kemm bata għalina - għax kien iħobbna u ried isalvana. Ħbiebu kollha ħallewh, bħalma ħafna drabi nħalluh aħna meta kollox ikun miexi sew. Rajnih jiġi kkundanat bla ħtija, jimxi l-mixja lejn il-Golgota u hemm jiġi mislub. Smajna l-aħħar kelmiet tiegħu fuq is-salib u rajnih jerħi ruħu f'idejn l-Missier u jmut.
Ħassejna d-dwejjaq u l-firda li ħasset ommu Marija u l-appostli li kienu magħluqin ġewwa Ġerusalemm għax beżgħu mil-Lhud.
Imma mbagħad FRAĦNA għax Kristu ma baqax fil-qabar.
KRISTU QAM MILL-MEWT!!
MA KRISTU WKOLL INT AGĦMEL DIN IL-MIXJA FIL-ĦAJJA TIEGĦEK - MIXJA MID-DLAM GĦAD-DAWL!
Ħadd il-Palm: il-ġurnata fejn il-poplu Lhudi feraħ b'Ġesu' bħala s-Sultan tagħhom. . . imma ftit jiem wara quddiem Pilatu għajjat: "Sallbu, Sallbu." Aħseb ftit fuq dan fil-ħajja tiegħek!
Il-festa tad-duluri hija festa traddizjonali għalina l-Maltin. Ħafna nies jkunu qegħdin jistennew din il-festa biex ikunu jistgħu jagħtu qima lil Marija Ssma taħt it-tituli tad-Duluri; oħrajn ikunu jridu jwettqu xi wegħda li jkunu għamlu, u oħrajn għad-devozzjoni.
Imma ta' min isaqsi: X'jiġifieri l-purċissjoni tad-Duluri? Id-Duluri huwa t-titlu ta' meta nqimu lil Marija Ssma u niftakkru b'mod speċjali fit-tbatija li hija ġarbet meta rat lil binha jiġi maqtul bla ħtija għas-salvazzjoni tal-bnedmin, li kienu kontrih!
Kemm hi iebsa li mhux biss tara l-ibnek jiġi maqtul, imma dan bla ħtija, min nies li huwa kien qiegħed isalva!
Meta tqabbel t-tbatija li għaddiet minnha Marija, mat-tbatijiet li ngħaddu minnhom aħna tagħraf kemm it-tbatija tagħna, għalkemm kbira xi kultant ma tkun xejn ħdejn dik it-tbatija li għaddiet Marija. Għalhekk għandna nħossuna komdi li nafdaw lil Marija bit-tbatijiet tagħna, għax hija taf x'jiġifieri!!
Mela, llum, meta tkun mixja wara l-istatwa tad-Duluri,
Qaluli li int ma teżistix. U, stupidu li jien, emminthom. Il-lejl li għadda, minn ġo qiegħ ħofra ta' bomba, rajt il-kwiekeb ileqqu.
F'daqqa intbaħt bil-verita'. Dak li kienu qaluli kien kollu gideb. Kieku biss waqaft ftit inħares madwari malajr kont nintebaħ li l-ħolqien ikelimni fuqek.
Min jaf, Mulej, jekk taċċettax li żżommli jidejja wara tant snin imbiegħed minnek! Imma int tifhimni żgur. Għaliex kellu jkun dan l-infern ta' gwerra biex nilmaħ lil wiċċek jiddi minn bejn splużżjoni w oħra? Irrid ngħidlek ħaġa waħda: INĦOBBOK b'imħabba tal-ġenn!
Għada t-taqbida ser tkun bla ħniena. Min jaf, forsi narak. Tgħid ikun hemm tistennieni wara l-bieb tal-mewt? Ara, qiegħed nibki... Ah! Mhux li għaraftek qabel! Kemm ili li sibtek m'għadnix nibża' li mmut. Saħħa... Narak...
Kull nhar ta' Ħadd, aħna, bħala qasam, immorru passiġġata. Hi xi ħaġa li mhux biss tgħinek tieħu ftit break imma wkoll tagħtik enerġija ġdida għall-ġimgħa li tkun ġejja, barra li napprezzaw in-natura u l-ħolqien li jressaqna aktar lejn Alla. Matul dawn il-passiġġati nilagħbu u nsiru nafu aktar lil xulxin. Barra min hekk xi kultant inkantaw ukoll!! Waħda mill-aktar poeżiji popolari fostna hija din t'hawn taħt:
It-Tina Biskuttina
it-tina biskuttina l-musbieħ irid il-ftila l-ftila mhux musbieħ u l-ikrah mhux sabiħ is-sabiħ mhuwiex ikrah l-għaref mhuwiex iblah l-iblah mhuwiex għaref u l-frieket mhux imgħaref l-imgħaref mhumiex frieket l-imqajjem mhuwiex rieqed ir-rieqed mhux imqajjem u l-ħbula m’humiex ktajjen il-ktajjen mhumiex ħbula l-werqa mhijiex żbula iż-żbula mhijiex werqa u r-ragħda mhijiex berqa. il-berqa mhijiex ragħda llum mhuwiex għada għada mhux illum u xkubetta mhix kanun il-kanun mhux xkubetta fula mhix karawetta karawetta mhijiex fula u l-wiżgħa mhix gremxula. gremxula mhijiex wiżgħa irġiel mhumiex nisa nisa mhux irġiel u pitravi mhux brunġiel il-brunġiel mhux pitravi kantuni mhumiex travi it-travi mhux kantuni u l-baqar mhux muntuni il-muntuni mhumiex baqar għana mhuwiex faqar faqar mhuwiex għana u reġina mhix sultana is-sultana mhix reġina torta mhix pudina puuuudiiiiina mhijiex torta u fid-dinja ħadd m’hu xooortaa!!
Katekist saqsa lil wieħed mit-tfal tal-klassi tiegħu: "Tgħid talba qabel torqod?" Tifel: "Iva" Katekist: "U fil-għodu x'ħin tqum, tgħid talba?" Tifel: "Le" Katekist: "Għala ma tgħidx talba fil-għodu?" Tifel: "Għax fil-għodu ma nibżax!"
Forsi xi drabi nirraġunaw bħal kien qiegħed jirraġuna dan it-tifel, għax ma jkolli bżonn xejn jew għax miniex beżagħna min xi ħaġa mela allura m'għandix għalfejn nitlob.
X'inhuma l-beżgħat tiegħi fil-ħajja? Tajjeb li matul dan iż-żmien tar-Randan nitkellem fuqhom ma' Ġesu', wara kollox huwa wkoll beżgħa fil-ġnien tal-Ġetsemani. Forsi nibża mill-falliment, li ma nirnexix fil-ħajja tal-familja jew tal-business, forsi nibża min dak li jaqilgħu fuqi sħabi jew kollegi tiegħi etc...
Huma x'inhuma l-beżgħat tiegħi ħaġa waħda ċerta: Ġesu' jista' jifimhom. Mela x'int tistenna biex titkellem fuqhom miegħU?
San Pawl ħalla l-Id tal-Mulej tmexxih, imma mhux biss - huwa koopera magħha. Jien x'jien nagħmel?? Video: L-Id Moħbija (mill-Oratorju: Pawlu ta' Malta)
Video: Il-Wegħda u t-Tislima (mill-Oratorju: Pawlu ta' Malta)
Ir-Randan. . . 40 jum . . . penitenza . . . sawm. . . sagrifiċċju . . . min ma semgħax bihom f'dawn iż-żminijiet?
Lit-tfal ngħidulhom: tiklux ħelu; obdu iktar; oqogħdu iktar bravi - għax ir-Randan. Imma dawn mhux affarijiet li għandna nagħmluhom dejjem. Allura għalfejn issa iktar min qabel?
U dan propju l-punt ta' dawn il-ftit ħsibijiet... għalfejn ir-Randan? Għalfejn dawn l-40 jum? Dawn l-40 jum huma ta tħejjija għalina - biex aħna nippreparaw lilna nfusna biex inkunu iktar ppreparati għall-festa kbira ta' l-Għid: tal-mewt u l-qawmien ta' Sidna Ġesu' Kristu. Dan iż-żmien huwa żmien li għandu jservi ta' riflessjoni ftit iktar mis-soltu, mhux għax is-soltu m'għandniex niriflettu, imma għandna nirriflettu iktar.
Mela aħseb ftit iktar. . . ġib ruħek aħjar ma' dawk ta' madwarek. . . aħfer lil min naqsek. . . ġib ruħek aħjar ma uliedek. . . ikkomunika ma min ilek ma tkellem. . . gerger inqas. . . u aħseb int iktar x'tista tagħmel. . . imma
Tkun fejn tkun f'dawn l-ewwel jiem tas-sena 2008 bla ma trid tara nies li għadhom qed jibdlu l-flus Ewro mal-Lira Maltija. Din il-ħaġa lili ġagħlitni naħseb ftit mhux ħażin fuq bidla oħra li aħna, li bil-għajnuna t'Alla għandna l-grazzja li bdejna din is-sena nistgħu naħsbu ftit fuqha. Il-Bidla li aħna għandna nagħmlu biex il-ħajja tagħna timxi dejjem il-quddiem.
Aħseb ftit:
Beħsibni nitratta lil ta' madwari b'iktar imħabba?
Beħsibni nkun ġust/a ma dawk ta' madwari?
Beħsibni nrażżan ilsieni u hekk ma nħallix kliem li jweġġa jiżloq min ħalqi?
Beħsibni nieħu deċiżjoni li ngħix ta' vera nisrani li jien?/span>
Naħseb li hemm bidla ikbar tistenninha matul din is-sena: il-bidla li int trid tagħmel personalment quddiem Alla!
Is-sena bdiet ... il-bidla tiegħek innifsek bdiet?
Nies . . . uċuħ differenti . . . ftit tafhom . . . ħafna le . . . madwar id-dinja kollha . . . jawguraw lil xulxin: Is-Sena t-Tajba! Happy New Year! Buon Anno! etc....
Imma żgur li l-isbaħ awguri għal din is-sena ġie fl-Ewwel qari tal-liturġija tal-llum, il-barka t'Alla għalina!
"Ibierkek il-Mulej u jħarsek!
Jixħet id-dijja ta' wiċċu fuqek
u jurik il-ħniena!
Iħares lejk il-Mulej
b'imħabba u jagħtik is-sliem!"
X'neħtieġu aktar min hekk?? Dan hu l-awgurju għal kull wieħed u waħda minna u j'Alla f'din is-sena li ġejja nagħmlu kollox għall-ikbar glorja t'Alla!
Ftit taż-żmien ilu, ħabib tiegħi rrabja ma' bintu ta' tlett snin talli ħliet wrapping paper gold. Irrabja għax it-tifla kienet ħliet wrapping paper sħiħa biex ksiet kaxxa żgħira biex tqegħda taħt il-Christmas Tree. Dik is-sena kien spiċċa bla xogħol, u kienu xi ftit neqsin mill-flus u allura kull tikka kien qed jaraha ħafna.
